BAAY'EEN JIBBA

------------------------------------

Gaaf walbaran waltuffachu

Har'a argani wal dhungachu!

Aduu dhiiteen walbeellamu

Oso hin hubatin dheekamu!

Shakkii jaalala keessaa

Hacuuccaa ilma hiyyeessaa!

Huccuun nama madaaluu

Hatanii nama ilaaluu!

Daree keessatti muguu

Humna ofii ol dhuguu!

Jette jettee haasa'uu

Dargaggummaan raata'uu!

Dargaggeessa gagamaa

Nyaata marqaa fi dhamaa!

BAAY'EEN JAALADHA

-----------_---------------------

Hirriba barii gubbaa

Gara laafettii durbaa!

Kopheef kaalsii qullaa'aa

Dhugaatii diilallaa'aa!

Dadhabanii boqachuu

Wanta haaraa barachuu!

Mushurraa morma lamaa

Jaalala ilma namaa!

Haasoyni dubbii qolaa

Hundarra natti tola!